ساعات تسمع عن الرجال الخاين اللي يلعب بمشاعر البنت
ولا يجيب في سيرتهاا قدام الناس وهذي مب من شيم الرجال الرجال فعل مب قول
اكيد هذا لا ينطبق على كل الرجال اكيد البعض السئ
هذه ابيات قرأتها عن مفهوم الرجولة في الوقت الحالي وتبين هذه القصيدة المفهوم السائد والمفهوم الفعلي للرجولة
واتمنى تنال اعجابكم..
أتمنى محد يزعل مني لاني اخص البعض ولا اعم كل الرجال ؟؟
اذا المـراجـل لبـسـة شـمـاغ وعـقــال
قــــل لـلـعــذاري يـلـبـسـن الـعـمـايــم
مـاعـاد يـفـرق زول حـرمـة ورجـــال
دام الفعـايـل تشـبـه البـعـض دايــم
الـمـرجـلـة مـاهـيــب كـلـمــة وتـنـقــال
وتــروح مـاراحـت هـبـوب النسـايـم
ولا خشونـة صــوت اورفــع الاثـقـال
او رزة صــــدور وفــعـــل الــزلايـــم
ولاهــي بـعـد مفـتـاح مـوتـر وجـــوال
والا ردى لـسـانـن حـديـثـة شـتـايـم
المرجلـة شيـمـه عــن القـيـل والـقـال
رفـيــع نـفـسـن حـــر بـاجــو حـايــم
المـرجـلـة عـقــل وزن وزنـــه جـبــال
ودون العـقـل وش فرقـنـا والبـهـايـم
يامسنـدي لومايـل الوقـت بــي مــال
يــاولــد أبــويــه يـاعـظـيـم الـعــزايــم
يامعـرب الجديـن مـن العـم والـخـال
يـانـخـوة الـمـفـزوع وقــــت الـهـزايــم
المرجلـة ياخـوي هــي طـولـة الـبـال
هـي العـزم هـي الصبـر فالظلايـم
فـيـهـا الــكــرم عــــزة دلــــه وفـنـجــال
فيهاالكرامه عن ردى الطبع شايم
والـديـن لامـنـه خــذا الـقـلـب مـنــزال
مشـى طريـق الحـق وابليـس نـايـم
ومن لاعرف ربه في طيـب الحـال
لابــد وقــت الضـيـق بالـهـم هـايــم
حتى صلاتك مع جماعات ورجال
فــي خيـرهـا يـاخـوي نـعـم الغنـايـم
ولامن نصف ليلك قـم صفـي البـال
ياعظـم اجـرك بيـن سـاجـد وقـايـم
ولامـن رفـع ربـي لـه كــل الاعـمـال
حسـن الذكـر لاقالـوا فـلان صايـم
وخلك شريف القصد ياطيـب الفـال
ســوء المقـاصـد فالبـيـوت الـهـدايـم
واحذر تبيع النفس في دب الأنذال
وتتـبـع خــوي ابلـيـس راع النمـايـم
النـفـس خـيـل لــك اذا كـنـت خـيـال
ومــن لاقــوى نفـسـه قـوتـه الهـزايـم
ولاصرت ماتدري لوش انـت رجـال
والله خـســارة فـيــك ذبـــح التـمـايـم
وسلامتكم..للاسف ماعندي علم بقائلها..