ترى قدرك على حد السما يابنت لـو تدريـن
ولا يمكن احد يقدر يطوله لـو نـوى صوبـه
تراك الطهر والشيمه وروعة هل زمان الشين
ولا يمكن ابد نرضـى عليـك الهينـه نوبـه
نعيش الوقت في ناره يقلبنـا علـى الجنبيـن
اسهومه في جدار الصمت والاحـلام مسلوبـه
تباريح الزمن جارت وشبت في الحشا ناريـن
سمات الحزن في عيونٍ من الايـام مرعوبـه
جروح العام تشقينـا وحطـت همنـا هميـن
ألا يالله ياوالـي يغيـب الحـزن ودروبــه
أحد يسعى ورى رزقه ولا يدري يجيه منيـن
وهاذاك ابلا تعب جابه تحقـق كـل مطلوبـه