[ذبحني غروركـ]

اشكر اللي ماخضـع بـي للمذلـه
ولا جعل لي عند ولد اللاش حاجه

ولا رماني في طريـقٍ مـا ادلـه
درب دله كـل سربـوتٍ وداجـه

واشكره ربي وكلـي طاعـةٍ لـه
كل داءٍ صخّـره واوجـد علاجـه

بعدها بحكي كلامٍ مـن فطـن لـه
شاف دربه دون من يضوي سراجه

الحكي لاجا ولاهـو فـي محلّـه
زاد فوق النقص حقران وسماجـه

والكـلام السنـع كـلاً مايمـلـه
والمراجل للرجـل عـزه وتاجـه

والذي سيفه علـى الكافـر يسلـه
غير عن رجلاً شرد مثل الدجاجه

ومن قصد درب عسر يبغي يدلـه
لا يعود قبـل مايضحـك حجاجـه

ولو يخاويك الـردي وقّـف وقلـه
ابتعد مالي معـا شـرواك حاجـه

تم قولي والحكـي قـد قيـل كلّـه
والرجل يمشي على فكرة مزاجـه

الموضوع الأصلي: الحكي لاجا ولاهـو فـي محلّـه..زاد فوق النقص حقران وسماجـه | | الكاتب: ذبحني غروركـ | | المصدر: شبكة بني عبس