قصيده عجبتني وتستاهله هذه الصفحه لما فيها من حكمه
يلزمني المعروف واتعب على الجـود
وأجني جنى يمناي يوم اكرمتني
وأعيش في دنيا بها نمور وفهود
ويمناي في لقمة عشأي أشبعتني
وفي كـل أمرٍ عندي أعراف وحــدود
وأشيل حملي شيل ماثقلتني
وتصـافقت في عقلي أحزاب وجنود
حربٍ رحاها دايره وطحنتني
رغم أني أقول إنها اسهود ومهود
معارك بفكري بدت وشغلتني
اسلاحها غفلات وفكاري ارقود
وجنودها بسلاحها هاجمتني
مهما احاول واجتهد ماحصل فود
كنها على صم الصخـر حاديتني
ومن وين مالد النظر انصدم زود
والنفس في لد النظر جابرتني
ليت الزمان اللي مضا شوي ويعود
واسأل ضميري كيف ما حاسبتني
واكتب على خـد العشم ليه مفقود
وابني لنفسي حلم ماراودتني
واليوم تلزمني مواثيق وعهود
حطيتها بوجهي ولو أزعجتني
لان الرجال ارجال ماتخلف اوعود
والكلمه اللي قلتها حابستني
ولا الدروب افجاج والزود للزود
وليا سلكت ادروبها طاوعـتني
سامي بخلق وفكر والطـبع محمود
عشر الوصايا لشايبي حاكمتني
دين االله امبدى على كل منشود
والرفق بأمٍ بالغلا غاذيتني
وجمعة عيال العود واجب له افنود
بالود والاحسان لو اتعبتني
واصل رحم واعين من كان مضهود
واكرم أرجالٍ للكرم ناصيتني
واجمع نوايا بيض واقودها قود
واتبع هواها وين ماوجهتني
واقابل الزلات بالخير مردود
واصفح واسامح كل نفس اظلمتني
وليا فعلت الطيب عرضته النود
واتبع دروب الطيب لو ضايقتني
وابحث عن الجزلات وبذل بمجهود
واكبح جموح النفس لو حايلتني
واحفظ تراث الجد وقني به الذود
وأن دسمت طرقيها نومستني
هذي كنوز العمر ورثه من العود
امانةٍ مابين متني ومتني