يامتعـب ٍ فكـري وش اللـي تسـويـه
راع الـظـروف ولاتـزيـد التيـاعـي
من طـاع لجـل الله عسـى الله يخليـه
ولايكثـرالدمعـات مــن لايـراعـي
كـم قلـت لـك هـذا كلامـي وابنهيـه
وكثـر المعانـد منـك مافيـه داعــي
آطيـش مـن حبـي وازيـدالمشاريـه
شرهـة غـلا مـن دون هرج اندفاعـي
لاشفتنـي زعـلان لاتقـول لـي ليـه؟
لإنك تعـرف اسبـاب حتـى ضياعـي
وقت الزعل كنـت انتظـر منـك لبيـه
ضمة غـلا يضـوي وراهـا شعاعـي
طايش .. مزاجي .. شخص صعبه مبادية
مجنون .. متهور .. ولاهـو بـواعـي
هذي (ا)طباعـي مابقـى شـي ٍاخفيـه
وانا اعتقد هالحيـن تعـرف (ا)طباعـي
حاولت اعدل حالتـي "قلـت ابرضيـه"
لكـن معـي خابـت جميـع المساعـي
ماكـان بيـدي حـل مـن دون توجيـه
ولوكان عنـدي حـل ماجيـت ساعـي
اخاف امـوت وتسـأل النـاس وشفيـه
ومـن بعدهـا للنـاس تكشـف قناعـي
عشـرة عمـر ماهوبـيـوم ٍونقضيـه
لازم تحملـنـي وتقـبـل صـراعــي
وإن كان قلبـي ماعطـاالحـب ياهيـه
قلـي واركّـب قلـب غيـره صناعـي
وكـان العمـر ويـاي سـم ٍجرعتيـه
جرعـت انـا ويـاك سـم الأفـاعـي