أغار والغيرة وطن ماله حدود
من عاش به لابد يخسر عسيرة
أحسب خطاوي رحلتي قبل ماعود
لإني قبل ماعود باموت غيره
الناس تضحك لكن قلوبهم سود
وإن كان تبغى عندي اشيا كثيرة
اعطيك من بعض الدلايل بعد زود
امور يامضنون عيني خطيره
هذا جزاء اللي ينهي الرد بورود
وفي كل رد تشوف حاله مثيرة
واجب عليك تقابل الرد ببرود
ماحد يحس الحين بأحساس غيره
ماتشوف حالي من سبايبك مهدود
والفكر شارد والنواظر سهيرة
خايف يجي واحد ملكّع ومقرود
ياخذك مني في ثواني قصيرة
من بعد عشرة عمر واحلام ووعود
تقضي على آمالي بكلمة صغيرة
كان اتّحمل غيرتي وانت موجود
صعب اتّحمل شخص ميت ضميره
ترى الخطأ وارد ولاهو بمقصود
مابي نعيش بزود شكّ وحيرة
الصدر ضاق وضيقته مابها فود
لاصار ماحسيت به ياعشيره
اغار والغيرة وطن ماله حدود
من عاشها لاشك يلقى مصيره