فوق الجـدار يحلّـق العصفـور
مالـمّ نبْـت العـشّ يـادوبـه !
غاب وعطى حتى الغياب حضور
خلف الذهيـب وتاهـت دروبـه
مرّ الصبـاح وعشّـه المهجـور
ماجابه الطاري وحكي ... وبـه
سلّـم عليـه القيـظ والديجـور
وانفاس وسـط الليـل مشبوبـه
خـذاه ريـح وراحتيـنٍ بــور
وصدور تنفث شيشـة غروبـه
وحيد عن صوت الهُدى والشـور
طاع الرغيف ولامشى .. صوبه
دستور ياشمس الضحى دستـور
فلّـة حجـاج وراحـت عقوبـه
ماهو صحيح ان القلـوب قبـور
بعض القلـوب اكيـاس مثقوبـه
نـاسٍ تعيـش وذنبهـا مغفـور
واحـدٍ يمـوت وتكثـر ذنوبـه
لولا المدامـع مايسيـل شعـور
من عيـن ماهـا منبـع عذوبـه
كلُّ ابـن آدم للخطـا محصـور
ولولا الخطا ماخلقـت التوبـ