[ذبحني غروركـ]

فمان الله يا قلب ٍ غمرني بلطفه وطيبه
............... فمان الله يا عشق ٍ حفظته بالضلوع سنين






لو اقدر أحبس الدمعه عشانك وأجمع الخيبه
.............. قدرت أمشي لو حمولي كبيره بالقسا واللين




وأنا والله لو بحسب جمايل وقتي وعيبه
.............. حسبت إنه لفابك لي ولكنّه خذاك ألحين ..!



أحبك كثر ما شانت وجيه وطاحت مصيبه
............ أحبك كثر ما عاشت مواويل السعف والطين



أحبك كثر ما ينبض خفوقي وإنت تدري به
............. أحبك كثر ما طعنت غيابك توجع السكين



يغيب البال ما كن الليالي ضاقت بـ ذيبه
............ لو إنه جاع للصوت الطويل وجرّة المقفين



طواه الضيم لكنّه طواه وهيبته هيبه
............ رغم لؤم المدينه والمباني وغفلة الصاحين



فمان الله لو غصّت عيوني بدمعة الطيبه
............. وأنا واقف على باب الفراق أتسوّله : مسكين



عشان الله إذا عندك بقايا تضحيه [ جيبـــه ] ..!
............. ترى ضاااقت بي أنفاسي ولا أدري أروح لمين ..؟!

الموضوع الأصلي: فمان الله لو غصّت عيوني بدمعة الطيبه..وأنا واقف على باب الفراق أتسوّله : مسكين | | الكاتب: ذبحني غروركـ | | المصدر: شبكة بني عبس