كان الشعر يزعلك لاشك يرضيـك
يالعنبوه ان كان ما حقـق رضـاك
لا يزعلك و ان جاك من قلب مغليك
لا يزعلك لولا محبتـك مـا جـاك
سقت الحروف اللي ربت بين اياديك
سال الحبر في حضن الاوراق يبغاك
حتى و انا في لذة النـوم يطريـك
الشعر لـو يكتـب بغيـرك تمنـاك
ان جيت يزهى بك و اذا غبت يرثيك
الله فطر في داخلي ورد و أشـواك
عقبك سكنت الليل ذكـرى لياليـك
اطوي همومي في دواليب ذكـراك
اللي بها ماضي زماني و ماضيـك
قبل يتلاشى الوقت وتدور الافـلاك
يكفيك شـرح قلتـه اليـوم يكفيـك
عطني جوابك واضح فيـه ممشـاك
،,{÷