فتّشت عيني من ورا الدمـع أدوّرْك
اثري ليا منّي بكيتـك ... لقيتـك !!
ما بين ما اْنثر دمعتي واجْمع صورْك
حجة غيابي لـو سليـت و نسيتـك
ذكرى قديمه تفـرك ايدينهـا فـرْك
شفْق ٍ , على اللي كم خذيت وعطيتك
اضماك وانت اللي على شفّ شاعرْك
و تصدّ عنّي عادني مـا ارتويتـك
محتاج لك كلّك من اوّلك لآآآآخـرك
وانت البدايـة ليتنـي مـا انتهيتـك
والحين اقلّب يالغـلا فـي دفاتـرْك
ترسـم قلـوب و كنًـي إلا قريتـك
ما هوب لا شكلك ولا هوب منظرْك
بس الـدلال اللـي خذانـي وجيتـك
ما هو غريب ان قلت قلبي تخيّـرْك
بس الغريب انـي بكيـت و لقيتـك