قلب الفتى ياهل الهوى مخزن أسرار
والعين تكشف خافي السـر وتبـوح
لاصار وسط القلب صـوره وتذكـار
متثبتـه بيـن المعاليـق والـروح
تطري على بالك مع بعض الأمـرار
تبعدك عن قمـة سواليـف ومـزوح
وانا من اللي صار هليـت الأعبـار
وأصير من كثر الهواجيس مفضـوح
أصارع الهاجوس من جور الأقـدار
ويزيد بعض الوقت لوعات وجـروح
البارحه كنـي علـى حامـي النـار
وان جيت الوم القلب فالقب مسموح
أنا أشهد أن الوقـت ظالـم وغـدار
وانا أشهد انه يتعب السالي النـوح
أعاتب الذكرى علـى كـل ماصـار
وأنا أدري أن مالي ورا اللوم مصلوح
أجبر عزا نفسي من الوجد وأختـار
دربن على بابه من العـام مفتـوح
اللـي كلامـه لاحكـا رف الأمطـار
وإلى همس ورد الصبا ساعة يفـوح
تاخذ من اجله سجة الروح مشـوار
وأنا عليـه أمـر مـن عـام وأروح
والد عيني له مـن الحـب وأغـار
ويلومني لاغرت والوضع مشـروح
مايدري ان قلبي له قصـور وأنهـار
وانه بنى في القلب تمثال وصـروح