لي مع الحزن جلسه ياهجـاد الكلايـم
وياهمومٍ على بابـي سيـوفٍ تسلـه
ياحبيبي ترى ماسمع لهـرج النمايـم
دامك اطهر من الغيمه وهي مستهلـه
لاتسمّـع لعذالـي ولـو كنـت لايـم
ياعسـى كـل نفـسٍ عاذلـه للمذلـه
ياحبيبي ترى قلبـي وقلبـك سوايـم
لاتتلـه تـرى مايحتمـل منـك تلـه
إزرع الحب في صدري ياعذب النسايم
وان جنيت الغلا جامح ويفـداك كلـه
اقهر العاج والرمان والوجـد هااايـم
خل عود القصب لاملت يبكـي محلـه
انت نور الصباح اللي عليه الظلايـم
مايغطي سنـا نـورك ظـلامٍ تفلـه
مايغذي غلاك الا غلاك انـت دايـم
والبلا في ودادك لاحصل فيـه خِلـه
استغل الوصـل مـدام هالبيـن نايـم
لاصحى قلت انا ونته ياليتـه ياعلـه