كلن تغير يا زماني مكانه!
وانا الوحيد اللي بقيت بمكاني..
الله من قلبن تحدى زمانه!
والله من باقي ليالي زماني..
خلن قسم لي، من بقايا حنانه!
وأنا عطيته، ما بقى من حناني!
اقفا ولا كنه، سمع في أذانه؟
صوتن ينادي من ورى هالمحاني!
يا قدرة الله، كيف خان الامانه!
ويا قدرة الله، كيف راح ونساني..
هذا مكانن، كنت أجي به عشانه!
كنت احسبه مرّة يجي به عشاني؟
ويوم القصيد أرخا، بكفي عنانه!
نحت له بيتن حمل له معاني!
ما كل من يقراه، يفهم بيانه!
الا حبيبن ردده في أذاني!
يا وقت قلّي، كيفها حال نانه!
يمكن تقول بخير، وشلون ناني..
كلن تغير يا زماني مكانه!
وانا الوحيد اللي بقيت بمكاني.