با اكتب في علم ابيض مثبّت بالفراغ اعلان
انا اللي في متاهاتي مضيّع اجمل اسنيني
تخنق العبرة الحنجور واكبر همي الكتمان
يجمّ الدمع واحبسه قبل ماتفيض به عيني
احسب من الخوي نشده واخاف من العرب نقدان
وماخلي للعيون اعذار تبطي وهي تراعيني
اعايش بالحياة اهموم وامساير شقا واحزان
وداري لو شكيت الحال محدن داري(ن) فيني
مافيه انسان لاجت للحقيقه شال هم انسان
ومايعني الغير يعني الغير ماهو شرط يعنيني
ولكني مصيري مرتبط بالروح والوجدان
مع اللي صاراقربلي من الدم بشراييني
لو اشره بالعنا روحي ولامعاتب ولا زعلان
قسم بالله لو كلمة(( فداك اللاش)) ترضيني
يضيم النفس حسرات العذاب ولوعة الحرمان
وماينفعني ياغير الخالق الوهاب يعطيني
طلبتك يا اله الكون ياربي عظيم الشان
كريم المد من مدك وجودك لاتخليني