عبير الورد بانفاس القصيده
أكمّه واشهقه مني وفيني
ظما شاعر سراب أكبر رصيده
قراحٍ سلسبيل وماي عيني
بعيده كل ما أقرب بعيده
قريبه كل ما أبعد تجيني
قديم الشوق يبحث عن جديده
ياوينك فيه راحت بي سنيني
تعالي بس غني له نشيده
زغاريد الفرح لهفة حنيني
أبي بنت القوافي يافريده
تقادح شرّد مهارٍي إسمعيني
ياست القاف لعيونك عبيده
أبيك أبيك وادري ماتبيني
مجله00نت ولا في جريده
أمانه لا قريتي تكتبيني
عبير الورد وجهة القصيده
برآءة ذيب يوسف صدقيني