قلبٍ خفق بين المعاليق معذور
يم الشمال ويم حروة محلّك
عامين والثالث على البعد مجبور
ابى اذكرك وانتي اذكري ياحصلّك
مانساك لو حطو على قبري قصور
لو ينمحي ظلي فلا زال ظلّك
قلبي يحبك .. لو بنا وقتنا سور
ولو جارت الاقدار .. قلبي يدلّك
عسى سحابٍ مرنا (فجة النور)
يمطر على دارٍ سكنها هلٍ لك
تصبح مشاويرك رياحين وزهور
نشفق على كاديك .. نشتاق فلّك
دارك ضوا .. ومفارقك يظلم الدور
ودارٍ سكنته.. يسكنه قلب خلّك
روفي على اللي حي لاشك مقبور
ميت بجسد حيٍ .. عجز لايملّك
كلك نظر واحساس ياباشة الحور
لايابعد كل المخاليق كلّك
روفي عليه ولاتزيدينه كسور
من له بعدكم .. وانت يازين منّ لك