مكتب العمل اضحوكه يضحك على السعوديين فيها
تقدم عليهم ويتصلون عليك بعد 3 شهور ع الاقل ويقولون تعال حصلنا لك وظيفه
تجي تشوف الوظيفه تحصلها دوام من الساعه 7 الصباح الى الساعه 7 بالليل ( يعني 12 ساعه )
والراتب يسود الوجه ، مايتعدى 2000 ريال وبدون اي تأمين
وش الفايده من هالمكتب الفاشل ؟
لو يقفل احسن لان ماله فايده
اما التأشيرات اخوي عبدالرحمن فانا اذكر اني سمعت مقابله لغازي القصيبي
كانت مقابله قويه
يقول منعنا التأشيرات ولقينا ناس يجيبونها من اماكن اخرى ، يقصد ( الامراء ورجال الاعمال الي يجيبون التأشيرات ويبيعونها )
ويقول ماقدرنا نسوي شي وحنا مكتوفين الايدي قدامها
اذا الحكومه ماوقفت قدام هالحراميه ومنعت هالتأشيرات ، فصدقني بتصير مهزله كبيره بالبلد اكثر من المهزله الحاصله الحين
العماله يسرقون وينهبون ويذبحون ويسوون كل شي ، وللاسف التأشيرات مستمره
الله يحسن الحال ياعبدالرحمن