طبيعي منهو في مكاني يخليك
ما دام يبذل في العطاء وانت جافي
اسمع كلامي بس الله يعافيك
ودي ابين بس ما كان خافي
لان السكوت ان طال لا ما يبريك
والحق يا خلي مصيره يشافي
كم واحد لجلي وقف لك يعاديك
لو اطلبه يمشي على الجمر حافي
وده بوسط القلب يرقى ويجاريك
يبغى قليل الحب لو هو كفافي
ادري كلامي هذا ماهو بيرضيك
لكن عوافي يا حبيبي عوافي
اخاف قلبي لا يشتت مماليك
ويزيد فوق الهم هم اضافي
لذا وجب اني اصارحك وادعيك
باصدق حروف قلتها بالقوافي
ماهو لساني الي نطق لك يحاكيك
الا نبض قلبي يقول اعترافي
لانه معلق زود يا منيتي فيك
وما يجذبه غير القلوب النظافي