¨°•√♥ كــحيــلان ♥√•°¨
ياشعرتبقى في نظرهم كحيلان
وبنظرتي تسوى عيال الحمايل
حنا اثنين اخوان واكثر من اخوان
لو ما تجمعنا عروق وسلايل
* * *
لونختلف بأسماء وعروق وأوطان
يبقى التشابه بيننا بالخصايل
وانا ليا مني بغيت اكسب انسان
اسعى له بكل السبل والوسايل
* * * أعرف كيف أرد الاحسان بإحسان
كيف أحصد بذور الفضايل فضايل
عايش زمان عاصرت به كل الازمان
ما اعيل بس اكسر ثلاثين عــايل
* * *
اكسب عدو واحرق به قلوب عدوان
اشعل فتيله بـــس اطفي فتايل
وان خفت ضعف اخاف من ضعف الايمان
وان عفت حمل اعاف حمل الجمايل
* * * ماأظمأ على الساحل ولومت غرقان
لومركبي تابوت والموج هايل
تغرق شهيد أرحم من تموت عطشان
طيحة شموخ ولاوقوف امتمايل
* * *
ودك ليا من جيت في كل ميدان
لوماانت الاول..بالصفوف الاوايل
خلك لياعودت خسران ..خسران
ينقال عنك عامل لك عمايل
* * * لاصرت تحلم احلم تكون سلطان
وان جيت تقنع اقنع بحلم زايل
الوقت غربه واخر الدرب عنوان
والعمر رحله والتجارب رحايل
* * *
وانا كثر مالي من الناس خلان
اللي صفوا لي بالشدايد قلايل
شايف حسد قل شايف اشكال وألوان
قابلت ظلم؟ إلا لقيت الهوايل
* * * إن عش بصدري من الغبن شيطان
وتسددت دوني جميع الوسايل
بلقى من عيال الحمايل كحيلان
اللي يكفي عن عيال الحمايل
* * *
مرات ربك يرزقك خوة انسان
واحد ويسوى في عيونك قبايل
كلمات : حامد زيد اعجبتني فنقلتها اتمنى ان يلقى نقلي اعجابكم
آخر تعديل بواسطة bent-al.3absi ، 24-09-2007 الساعة 04:10 AM.
|