قالوا العتب ما بين الاحباب مرفوع
وانتي وانا ربي خلقنا حبايب
يعني الزعل مكروه واللوم ممنوع
والشك يحسب من كبار المصايب
وعرق الثقه لا صار فالقلب مزروع
ما تقلعه هوج الرياح وهبايب
ابعتذر لا غبت اكثر من اسبوع
قلبي معك لو البدنْ عنك غايب
هوّن حبيبي وش بلا القلب مفجوع
توّك على دنيا العجب والعجايب
دنيا فرحها ابتسامه مع دموع
واحزانها دمعٍ . معَ دم رايب
دنيا بها حلو المنامات مقطوع
وَ لآ تفرق بين طفل وشايب
::
::
::
دنيا بها صوت القوي دوم مسموع
اللي خذا اموال غيره نهايب
وراع الكرم ذاليوم ميت من الجوع
في ظل سادات النهب والغصايب
::
::
::
لكن تذكر في حشا الجوف ينبوع
يروي ظما قلبك ليا صار ذايب
وَ لا العتب ما بين الاحباب مرفوع
والله يديم الحب بين الحبايب