الليلـه الليلـه مَهـي بـايّ ليلـة الليلـه اجمـل ليلـةٍ فـي خيالـي
فيها سهَـر خـلٍّ بجانـب خليلـه وحلّ الغلا ما بين غالـي وغالـي
ضيفٍ على الاثنين واشعـل فتيلـه إليـن كـلٍّ قـال معقـول ذا لـي؟
ليلـة نقـا ماهيـب ليلـة رذيلـة كـلٍ يـرى غاليـه فيهـا مثالـي
هذا يسمّـي ذاك صاحـب فضيلـه وهذاك سمّـى ذا بصاحـب معالـي
فيها حمـام القلـب كـنّ بهديلـه سجعة طرب.. واحيان كنّه يلالـي
بستانهـا يـا هـي وروده جميلـه من شمّها جيـم الجفـا صـار دالِ
ليله بهـا الاجـواء جـداً عليلـة إلا اشهد انّ الجـوّ فيهـا خيالـي
ساد الغلا فيهـا.. وخلّـوا سبيلـه: دمع الوله .. دمع الفرح بالوصـالِ
وِاستنزلوا جدْي الربيـع وسهيلـه وَاركوا على ظهر الخريف بتعالـي
وِاستوطنوا روضٍ درج فيه سيلـه كاسيه عشب مْن اوّله ليـن تالـي
للخيل بـه وقفـه وكـنّ بصهيلـه شيٍ يقـول لفاتنـي بـري حالـي
وِاستبدلوا بُعـد الهـلال ورحيلـه بالحلّ فـي قـرب البـدور الكمـالِ
وِتلحفوا جمـر الجنـوب ومليلـه في ساعةٍ جَ البـرد فيهـا شمالـي
وِتحلّـوا بسمْـح الغـرام ونبيلـه وِتْبادلـوا حلْـو الكـلام ارتجالـي
وِاستفردوا بالعشق يا عزتـي لـه تمرٍ صدف بطنٍ من الـزاد خالـي
واحيوا حروفه عقب ماهـي قتيلـة صوت المشاعر والطرب والـزلالِ
ولا زد دروا عن كثرته من قليلـه شوقٍ قديم لسنتـر الكبـد صالـي
شوقٍ تعدى القلب واشفـى غليلـه من عقب حرمان السنين الخوالـي
وِتسمّروا حزّة سرى مـن مخيلـه برق الشموس اللي تطفّي الليالـي
وسالت دموعي منْه ياويـل ويلـه خلٍّ خذا نفسه وخلّـى البكـا لـي
ولا نمت اكفكف دمع عينٍ يبي لـه في الانتظار سنين عُجْـف وطـوالِ
حتى يغرّب عـن مشـارق هميلـه وِيجاوب عيونـه علـى هالسـؤالِ
وين انت يا جيش الدماء وصقيلـه وين انت قل لي عن عروق احتلالي