هاذي المحاورة جرت بين الشاعرين محمد العازمي العتيبي وعبدالعزيز الخياري (شبل عبس)
محمد العازمي
جيت ارد السلام وجيت اصدر قراري=واكتبة للمشاهد والحروف ابجدية
ودي انشدك ياعبدالعزيز الخياري=افضل امس العصرولا نهار العشية
عبد العزيزالخياري
مرحبا يامسلم بين بايع وشاري=بعد عيد ارمضان وبعد عيد الضحية
امس واليوم قاري من كتاب البخاري=علم الداخليةتخبر الخارجية
محمدالعازمي
لو اعلمك كيف يصلحون الكباري=كان تشكرني وتعطي العطاو ي تحية
كان ودك تعلم ثم تصير استشاري= الدراسة تحصلها فا لا سكندرية
عبدالعزيزالخياري
لو اعلمك كيف ايصيدون الحباري= كان رشحت بالطايف محامي سرية
مصر ماتعرف الا معاملا ت المصاري=جايز ان الخوي يبيع ذمة خوية
محمدالعازمي
صيدها بالصقرولابضرب السواري=والحباريكثيرة يم نجد العذية
اهل حايل علاكم يضربون البواري=مار سوو لكم طيارتن مروحية
عبدالعزيزالحياري
يامشالله معك خبرة وعارف وداري=ارق يم السما واطلع من الجاذبية
انشداللي يعرف الراجحي والتجاري=عملة ناجحة باسواقنا العالمية
محمد العازمي
كيف تلعب مع اللي يلعبون الاتاري=وانت من روس عبس اهل الكرم والحمية
احسب انك معي واثرك خوي مباري=نوب يم الحفرواحيان يم السالمية
عبدالعزيزالخياري
يمكن الليلة اجبرنا هبوط اظطراري=ويمكن اعطيك وزن بضاعتك ياعطية
لوفهمت الاشاره ما تخالف مساري=مير ميزفنون البينة والخفية