يراودني شعور الامس وكيف اسلـى وانـا ويـاك
وفي بحر الخيال ارسمـك حبيـب ٍ قُربـه احيانـي
يراودني ولا اتمنـى مـن احلامـي سـوى لقيـاك
واشوفك يا غرام القلب تجينـي وتسكـن احضانـي
فقدتك يا اغلى من روحي وفقدت الضحكه من فرقاك
وصـارت دنيتـي ظلمـى مـن غيابـك ونسيانـي
عزا نفسي وانا بذكراك اشوف الصـوره واتمنـاك
واقول افرجها يـا ربـي همـوم ٍ كثرهـا اشقانـي
وبصبر يا عسى صبـري يجيبـك يالهنـا والقـاك
واحس بقربـك وهمسـك وطيبـة قلبـك الحانـي
انا مالي بدنيا الحزن فـرح غيـر الفـرح برضـاك
واذا قلبـك زعـل منـي كرهـت الدنيـا وزمانـي
حبيبي تدري من بعدك صرخ فينـي الولـع يبغـاك
صرخ يشكي من الوحشـه وبـدا حزنـه وبكّانـي
حبيبي وانـت تـدري بـي شفـوق ٍ هايـم بدنيـاك
اضيع بكلمه مـن عنـدك واذوب افشوفتـك ثانـي
تشوف اعيونـي هالعالـم ولا فيهـم احـد يسـواك
عظيم ٍ حتى فـي وصفـك مـلاك بهيئـة انسانـي
حبيبي واحلف اني لـك حبيـب ٍ يعشقـك يهـواك
احبك لو يطول الصبـر واشوفـك مهجـة اعيانـي
حبيبي طالـت الغيبـه وانـا باقـي علـى ذكـراك
طلبتك ترحم المشتاق يمـر الوقـت وهـو يعانـي