هزتني الذكرى وانا بيـن الاجـواد
ساعة عرفت اللـي لفانـي ولدهـا
طمرت احبه والغـلا فينـي يـزداد
شميت ريحـة حبهـا فـي سندهـا
ضميته بصدري على جروح الجـداد
من غير مااشعر احسب اني بيدهـا
سالته ودمـع الولـه فـاض وقـاد
اسمك وشنهو رد لـي مـن بعدهـا
مسما على اسمي مانست حب الامجاد
الله حسيب اللي حسدنـي و حسدهـا
مرت اسنيـن كلهـا شـوق تنعـاد
في عيوني اللي عارف وش عددهـا
صدفه وفيها خير مـن الـف ميعـاد
لاضاق صدري رحت اناظر ولدهـا