(سيّدي.. ماذا دهاكا .. يال هـذا الصـد يـال)
وأنت عارف إنك أنته بيـر وصلـي والنبـوع
لارسالـه /لاجوابٍ/لاهـلابـك/ لاأتـصـال
ماني والله ياوجودي خابـرك شخـصٍ قطـوع
لاتقاطعني وترحـل وتقطـع حبـال الوصـال
ولاتخلينـي وحيـدٍ منهمـل كـلـي دمــوع
تكفى يانبع القصايد ..إنـت عنـدي رآس مـال
وإن خسرتك ياوليفـي إنطفـت كـل الشمـوع
مدري عقبك وش بلاني صابني طيـش وهبـال
كني طفلٍ لو عطيته أي شـي يضحـك قنـوع
من بعادك من فراقك صرت أفكر ف/أرتحـال
يم شيخٍ لانخيتـه (( سمـا بإسـم الله فـزوع))
وإنطلـق معـه النشامـا فـازع لـي مايبـال
مـادرى بإنـي لفيتـه منصفـع كبـدي تلـوع
كـاره الدنيـا بسبايـب سيـد نجـد والشمـال
سيد قلبي /سيد روحي/ سيدي مـن كـل نـوع
جـادلٍ لامـن تحكـى ذوّب أطـراف التـلال
لو همس فإذنـي كلامـه قبـت الدنيـا زروع
الحبيـب اللـي إلا أقبـل ماتقـول إلا غـزال
أسعد أيامه ياربـي صاحبـي زيـن الطبـوع
لو طلب مني سؤال جيتله بأصعـب سـؤال.؟
(( هل تبي تعلن رجوعك وإلا مافيها رجـوع))
تكفى يانبع القصايـد إنـت عنـدي رآس مـال
وإن خسرتك ياحبيبي إنطفـت كـل الشمـوع