•·.·°¯`·.·• ( موت جدي ) •·.·°¯`·.·•
حصلت ووصلت فيك من غير تفكير
لكن عساها يـوم حصلـت تعـدي
ولافيه عنها يوم حصلـت معاذيـر
ولافيه لو صديـت عنهـا مصـدي
قصه لهـا خطـه وشطـه وتأثيـر
جميع شي بوقتهـا صـار ضـدي
ابا تحملهـا ولـو هـي مخاسيـر
لو هد منها الحـال والحيـل هـدي
والنفس منهـا حاشرتهـا حواشيـر
حاولـت اهديهـا وعيـت تـهـدي
ياليت لي جنحـان يـارب واطيـر
باي طريق(ن)عـن غثاهـا يـودي
عن وضعها تعجز قصايـد وتعبيـر
اشـوي والا انبـاح للنـاس سـدي
جتني بلحظـه مابراسـي عياطيـر
ياقـو طعنتهـا وياضـعـف ردي
ان الله احيانـي تهـون المشاويـر
وان مت من تأثيرها مـوت جـدي
ياشينها لاجتك مـن غيـر تحذيـر
وانت متعشـي زيـن ولا متغـدي