[سالم الرشيدي]

قناة الجزيرة هذي قصيده له ايضاً

لة في خيالي طيف والآت تصوير

وقناة أكبـر مـن قنـاة الجزيـرة

خلٍ بلتنـي فـي هـواه المقاديـر

وفية ابتليت بحـب بلـوى كبيـرة

وتزيدني ذكـراة وجـد وتفاكيـر

وتصيبني مـن وقعهـا قشعريـرة

ودي ليامنـي تذكـرتـة أطـيـر

وأخذجنـاح الطيـر والا أستعيـرة

الوجة روعه والعيـون المخاديـر

كـن بدواخلهـن بحـورٍ غزيـرة

ماينوصف زينة بشعـر وتعابيـر

أعوذ فـي رب الفلـق واستشيـرة

عنه أعذلوني ناس ماهـم مناعيـر

ماعندهم بالحـب عقـل وبصيـرة

قالوا لي أنسة قلت مايصير مايصير

وفرقاة خيرقلـت ماهـي بخيـرة

فرقـاة والله مـن كبارالمخاسيـر

فـي ليلـةٍ والله ماهـي نـويـرة

ودورت لي عن نار حبـة معابيـر

ومن نار حبة طحت في زمهريـرة