[ساره الرشيدي]

ياالله مسا خير وش ذا الرقم يبغي ** ***بينــوبٍ يـطـول ونــوبٍ يتـصـل رنـــه
الو الو قلت الو والشوق صاحـي بـي *****ومن يوم قالت الو جيتك علـى السنـه
تقـول انـا معجبـه واقـول طـر جيبـيي *****اجعل ابو اللي عطاها رقمـي الجنـه
كن صوتها يـوم مـر اذنـي يغنـي بـي *****وصار لصدى صوتها في قامتي حنه
من فوق راسـي ليـن أسفـل عراقيبـي****كلشن على طور وجهه يردف الونـه
قالت بسكر قبـل ماالنـاس تـدري بـي*****احــراج والا بعضـهـم ماعـلـي مـنــه
وقــدام لا تنتـبـه لا اتـفــه عـذاريـبـي*****اللي على خاطرك مااحـدٍ درى عنـه
ثم اضحكت ضحكةٍ تقبـل وتقفـي بـي****خلـت خلايـا مخـيـخ الــراس منجـنـه
وقالـت ابــي مـنـك تحـقـق مطاليـبـي****ابغـي جديـدك قـبـل ماالـنـاس يقـرنـه
وسمَعتها واعجبتها وقلـت .. ياشيبـي****انــا بـعـد مـعـجـبٍ والـنـفـس ممـتـنـه
ودعت ولبيت وقالت لي ياطر جيبـيي*****اجعل ابو اللي عطاني رقمـك الجنـه