خلوني آخذ من الدخان تعميره=يطري علي القصيد وبدع قيفانه
ياراكب اللي مرور دبي تصديره=ألياعطيته قدح فالقار شكمانه
حرٍ على الهاربه تل ونتل سيره=يرد صفق الهوى من كفخ جنحانه
لااصطك دو الخلا ماتلحق أنبيره=ياخذ مع الدايري ماماج سكانه
تصميم باشة يهود محرف السيره=لكزس فريد الصناعه شد ميزانه
يدخل على الشرق الأوسط دون تأشيره=مرسوم تاجه عليه أشعار بلدانه
أنحر به السيف وديارٍ مجاويره=القلب محيي الهوى دمه وشريانه
أبي وليفٍ صرفني من هوى غيره=أعروق كبدي على لاماه ضميانه
ياناعم الخد عقبك سيرتي سيره=أراقب الصبح لين يبين فرقانه
حبل الغلا في يدي ويديك تدبيره=حبك بخانه وحب الناس في خانه
أغلى من اللي تولع في هوى طيره=وأغلى من البحر بكنوزه ومرجانه
أنت الذي مشعلٍ في جوفي النيره= وأنت الذي من هواك الروح هيمانه
لامرني زولك بحسنه وتصويره=أقول سبحان من سواك سبحانه
رماني العشق رمي الدلو في بيره=يلاوحه جالها من بين ذرعانه
هواه بابٍ قصير الموت تسكيره=والله وربي فلا غيره بنسيانه