[مبارك السوارج]

الـسلام عليكم ورحمـة وبركاته اخواني الاعزاء اقـدم لكم هذه القصيـده واتمنى ان تحوز على رضـأكم ... تقـول القصيـده





خلوني اكتب تماثيلي وارتبهـا= واخلد الشـعر للاول مع التالي

واجيب طرقٍ طواريقـه مهذبها=جواهرٍ سعرها للاهل النظر غالي

ما قلتها بالهنوف اللي ذوايبها= شقرٍ طوالٍ على الامتان ميـالـي

من غير حقران يوم اني مجنبها= البيض في فالهٍ وانا على فالـي

القلب عزم ونفسي ما يناسبها= اعرف وشلون مظهر قبل مدخالي

الكبر والشيب هو والعجز خربها= والثالث اللي مطاولني طوا حالي

عقب اربعين السـنه زلت طرايبها= ما بين حالي بلشت وبين جهالي

واصبـر لو الشيل مايل فوق غاربها= واساير الوقت في ميله والاعدالي

يالله يالله يا مسير كواكبها = يا باسط الارض رفاع السما العالي

يا خالق الخلق والارزاق كاتبها= وادم خلقته من الطينه وصلصالي

افرج للعينٍ لذيذ النوم حاربها= اليـأ نام خان الفؤاد الداله السالي

دارت هواجيس بالي في عقاربها= وانبير صبري تعدا التيم عزالي

امن المشارق اليـا حتى مغاربهـأ= وجنوبها ضاق مع غربه والاشمالي

مالي جدا الا الزقاره يوم اجاذبها = حاير ومرضان مالي حيله احتالي

لا شك يوم انها شانت مشاربها = ابطلب الله سبحانه هو الوالي

وابا الفرج والعوافي لي يوهبها= ربٍ عطاياه ما تعدل بمعدالي

من عقب ما هي سكون الله يهببها= واذوق طعـم السعاده عقب غربالي

ذا قول من لاعته سلمى بمخلبها= وجرب وميز وذاق المر والحالي

من شبته لينها شابت شواربهـا= يحدها واهي تحده على الجالي

ولاني للحالي علشاني نحاربها= كم ساوت الشامخ العالي بألاسهالي

وين السلاطين راحت عند شاربهـا= ما غير تاريخها يدرس وينقالي

صار العوض ناس ما تعرف مذاهبها= اهل الحسد والنميمه شينت اعمالي

قطاعت الوصل ما ترحم قرايبها= ما ترحم العم والجده مع الخالي

وابو حقب والبواشك مع ثعالبها = قامت اتنافس هل الطوله والابطالي

تنفخ وتفتل على الخيبه شواربها= وهي ارخومٍ ما تسوى ربع مثقالي

لا تلتجي للخروم ولا تصاحبها= خلان وقت الرخا هو ويـا الانذالي

عليك بأهل الشجاعه فيه مواجبها= اللي تعز الرفيق بسـو الاحوالي

ويالله حسن الخواتم في عواقبها= وعفوك ولطفك بيومٍ فيه الاهوالي



الـشاعر : مبـارك الـسوارج

الموضوع الأصلي: خلوني اكتب .. !! ( مبـأرك ابن رشيد الـسوارج ) | | الكاتب: مبارك السوارج | | المصدر: شبكة بني عبس