اللي 1012
بالحضوره اليوم
الخوي في ظل منضـوري إينـاء
لا تحمّلنَـي جــزاه الله خـيـر
ماهو اللي يلتفـت لـي بـزدراء
ولا يقاسمنـي قناعـات الحصيـر
(الصداقة) جـو يحيـه الصفـاء
والعلاقه خيطهـا نسـج الحريـر
اما توصل بك الى حـد الرضـاء
والاتفتش لك مـع الواقـع كثيـر
وانت لاسراري كذا مثـل الـرداء
هفوتك تكبـر إذا شفتـك صغيـر
ياكبيـر القلـب وايامـك فــراء
ادفـأت بـرد الليالـي يـا كبيـر
والله اكبر كل ما شفـت استيـاء
وانت صدرك ياسع الوضع الخطير
ماهجيتك كان مأكتـب بـك ثنـاء
وانت لي لااحترت مضمون الشوير
يا كريم بخوتك كلـي . . عـزاء
ما أتعاسـر لا تياسـرت العسيـر
(الغبـاء) لزلـتـك اس الـذكـاء
والطيور لاشاكلتهـا تـب تطيـر
افتخر بك.. كثر ما لك من عـداء
لأصدقاء الشرّ يا الظـل الهجيـر
افتخربك.. كثر مـا لـك اصدقـاء
مايهابـون العبـوس القمطريـر
افتخربك.. كثـر ماتعنـي اخـاء
وكثر ما أشوفك على الصعبة جدير
لا طريتك يحدث الوجـه انتشـاء
كيف ماأضحك وانت حليت المرير
ماتناسيت المرض وانـت الـدواء
ولاتناسيـت المواقـف يالعشيـر
عتمـة ايامـي تناديـك الضيـاء
يا اولويه تركهـا ضمـن الاخيـر
كل شـدة لـو تباطـت بالرخـاء
رمّـدت والنـار بأولهـا سعيـر
دام عشنا سـوة اللحظـة سـواء
لا تأبّطهـا وانـا مانـي جـريـر