اختفيتي... وما اختفى إلا وجودك
يا حياتي باقي مع ذكـرك غـلاك
اختفيتي و ما جرح قلبي صدودك
واعرف اني غالي عندك لاسواك
لو تغيبي ويندثر حلمـي بعهـودك
ما يجي الشك لقليبي فـي هـواك
ايه احبك واعشقك لأبعد حـدودك
وفي خفوقي لامس احساسي وفاك
عارف بصدقك ولا به من يزودك
وقدري والله قد عرفته من عطـاك
ادري ان الحزن في بعدي يسودك
مثل حزني يوم انا دمعـي بكـاك
وادري بظرف ٍ تقـواك ويقـودك
لا سقى الله يوم عن عيني خـذاك
لا يا عمري ما شكى قلبي جحودك
او شكى ظلم ٍ وزوّدتـه بجفـاك
ما شكى الا من عذابك في قيودك
يرتجيك يكون لو لحظـه معـاك
امسحي دمعك امانه عن خـدودك
ما حصل شي ٍ مقدّر لك وجـاك
كان هالدنيا خذت منـي وجـودك
تتعب الدنيا لجـل تاخـذ غـلاك