هذا القلم وش كتب؟ هذا الندم وش محى؟=في ايدي رعشة ولا ظني على شئ قاوي
حبيبتي قربي .. هاتي يدينك صحى=في داخلي طفل مري به حمام وغناوي
الحب حنطه .. هقيت ان المفارق رحى=فارقت زاد الغلا .. رديت وإلا بلاوي
اثر الهوى لاتمكن منك اخيذت ضحى=اثر الغلا الصدق صدق ان ضج ماعاد ياوي
وانا اخر اللي يدور صادقين نصحى=في الحب ياشينها تنوي تقل ماانت ناوي
لاهي صعيبه ولاني لاقي اللي وحى=ولاهي قريبه ولاهي اللي تجي بالهقاوي
ولاهي (بحب الخشوم ولا بدقم اللحى)=ولا لقينالها عند المطوع فتاوي
ماعاد ينفع خجل فيها ولا مستحى=برد يفطر (خشوم البل) وعاشق خلاوي
فهد عافت