[سيوف بني عبس]

أنشد العربان واللي فاهمين عن عيال شكلهم شكل البنات دايماً بين العذارى جالسين والعذارى هم كذلك جالسات هم جماد وشوفهم متحركين كل واحد له حياة وله ممات ،،،
{الأسنان}
€€€€
بسأل العراف ويش أربع بنات يتعبن اللي مشا في دلهن فاجراتٍ لاصيام ولا صلاةذا ينزلهن وذاك يشيلهن ،
{بنات ورق البلوت}
€€€€
أنشدك عن رجل يماشع بممشاه يمشي لفوق ولاتبين مواطيه
عند العمل يربط يمينه بيسراه تقدرتحسب إخطاه ياللي تماشيه ،،،
{الكرسي اللي يستعمل لصعود النخلة الطويله}
€€€€
يا ويش رجلٍ للمطاريش ضاري
رجلٍ على الشدات قلبه عزومي هو منوة النشمي بعيد المحــــاري
اللّي يبوج اسهالها والحزومي
يحمل غلام جاهزٍ للطّواري ياحلو فزعاته نهار اللّزومي ،،،
{الجيب والغلام هوالدبل }
€€€€
أنشدك عن بنتين ما بينهن فرق
قِدْم أمّهن وحده ووحده وراها
لاغرّبت وحده تصير اختها شرق
ووجيهن ما يختلف محتواها ،،،
{لوحات السيارات }

الموضوع الأصلي: لغز مع الحل | | الكاتب: سيوف بني عبس | | المصدر: شبكة بني عبس