[فضي البراك]

جيتي مع أول جية الديم يا(ديم)=والحلم شرع للمواليف بابه
يافال عمري .. فالك الصبح .. والغيم=والصبح فرحه والبشاير سحابه
من يوم بكرت بسحابه وتسليم=على الوطن صرتي هلا .. ومرحبابه
الحمد للمعطي جزيل التقاسيم=ماخاب عبد(ن) سبحة والتجابه
أسقاني أنتي .. وأنتي الوبل والديم=الطبع .. واااااحد .. والملامح تشابه
يا (ديمتي) والوقت شداد ومقيم=والقلب طرقي والأماني زهابه
خليني .. أروى .. منك .. وأعل .. وأهيم=أبوك ظامي من هجير أغترابه
الما .. سميك .. والمطر .. و(أمك الريم)=وش عاد لو زدتي جمال ومهابه
جيتي مع أول جية الوسم يا(ديم)=والقلب واحد والملامح تشابه