ان غبت عن عيني زمن لاعدمناك
لك وحشةٍ فالقلب والحب زايد
حب العرب ينقص وحنا شريناك
يفداك قلبٍ في هوى الحب قايد
الحب كله عاشقينه لعيناك
وملبسينه ثوب خام وقلايد
حنا عرفنا الحب يوم انا عرفناك
وبدونكم الحب ما هوب سايد
يانوري ياللي في ظلامي فقدناك
يا نور عيني صافيات العقايد
والله ما ليل مضى ما ذكرناك
ليا بكر الوسمي ونبته جدايد
كان الزمن ينسى حشى ما نسيناك
عندي عهود وقلب وجرح وقصايد
‘<].]