ياطير ياللي تكفخ الريـش ياطيـر
لاوهنيـك تعتلـي غيـم وجـبـال
ماتذكـر النـا موكـرا بالمحاديـر
لك منزلن معروف عن كـل منـزال
من ماكر النـدر حـرارن شواهيـر
قطاع صرامً علـى الجـول لاجـال
لاكننـي ياطيـر محتـاج تفسيـر
وأبغيك تعطيني جوابك على الحـال
يوم أنت ترقى فوق صفق الأعاصير
ويش الذي جاذبك من روس التلال
جاوبني برده علـى غيـر تقصيـر
قال أسمع اللي صار ياذرب الأفعال
لاتحسبني جيت مـن غيـر تبريـر
لاوالذي سواك مـن طيـن رجـال
أحوم باللجـه وشفـت المخاميـر
تدرج مع الوادي ورى نايف الجـال
يامحمد انتـه لـك معـزه وتقديـر
أتركني أتبع ظل الأمـال لـو طـال
ياليتنـي ذالحيـن رجـال وأسيـر
أمشي مع العالـم وبيديـي جـوال
رديت له...ياطير..!! بعض التعابير
ماهيب لاضحكـه ولا جـر مـوال
لو تتبع الأمآل تدري وش يصير..؟
تفنى حياتـك بيـن هـمً وغربـال
شفني وانا من طبع سيد الغناديـر
متعذبً من كثـر الأقفـى والأقبـال
ياما وياما قلت...لكن خبـر خيـر
أفتح قناة الشوق ويجيك الأرسـال
وأعيّشك فـي عالـمً ثانـيً غيـر
مافيـه لاحاسـد ولافيـه عــذال
وإذا خطيـت وجيتنـي بالمعاذيـر
بسمح خطاك وببني صروح الآمـال
وش لك بكثر الصـد ولا التفاكيـر
من واحداً لاغبت طيفك لـه اختـال
ألا إذا أنـك ماتسـوق التباشـيـر
بعدت الصداقه والمواثيـق بريـال
من بعد ذا قاطعني الطير...بيطيـر
قال المهم...!!اللي حصل بيننا جدال
وأنا تراني طيـر راعـي مشاويـر
لكنني بنصحك...تدرون وش قـال؟
لأتتبع المقفي لـو الدمعـه تحيـر
من يتبع المقفين ماهـوب رجـال