23-04-2010, 02:11 PM
|
|
العذر مايناسب والخفوق ارتوى ارتوى من همومه مالقاله عضيد
من فقد له خويٍ ماتقرنس هوى
عاش عمرة بعد فرقا خويه وحيد
وده ايشوف وينه راح ولا نوى
مايصاد بسهوله خابر انه يصيد
قرنسه لين صفت ريشته واستوى
في طبوعه غريب وفي وصوفه فريد
ويوم هده يدور فزعته فالتوى
واتجه واتجاهه عكس ماهو يريد
اظلم الكون في وجهه وداخ ودوى
عقب ماهو على الدنيا بخير وسعيد
فالمسا مايحاتي والصباح انكوى
مادرى وش ورى الايام له من جديد
كل ماقبل عليه الليل همه ضوى
وان شبح في مكانه قام همه يزيد
راح عمره وجرحه مالقاله دوى
ليت قلبه على فرقا خويه شديد
كان ماقال يمكنها ضغوظ الهوى
وانشبته الهبايب في غصون الجريد
العذر مايناسب والخفوق ارتوى
ارتوى من همومه مالقاله عضيد
يوم عاده معاه بكل ماهوى حوى
ايتحايل على الدنيا وراسه عنيد
كل ماجار وقته قال مالك لوى
كان قلبه على جور الليالي حديد
ويوم فرقاه حاول فالصبر ماقوى
ايتشجع ولكن الصبر مايفيد
والشمالي لو انه يعرف اللي ضوى
ماتنشّد من الغربه وحال البعيد
قال شاعر وعندك فالقصيد ارهوى
خل عنك السوالف ودي اسمع جديد
قلت راسي خطير انه ايتفجر خوى
خل طيري يعّود واتفجر قصيد
ماراق اللي من قصيد
|