هام الخفوق ليمّة الشرق وابحـرت=على الرجاء سقت النصيب وحدرته
بأمر الإله أنجزت بالوضع ماأحترت=ان ماكسب مافيـه شـئٍ خسرتـه
زرت البحر في ديرته يوم سيـرت=واخذت ملحه عـن حـلاه ونثرتـه
واهدى علي أغلى هديـه وقـررت=أحتازهـا لـوان عمـري هدرتـه
درة بحر لو حازها غيري أخطرت=الصبرأموت ..أحيا وانا ماقدرته
أخذتها برفوق ولحبهـا اصخـرت=والقلب في صادق غلاهـا عذرتـه
حطيتها بالقلـب داخـل وسكـرت=درب الخروج بضبتيـن وسمرتـه
تابوتها قلبي وانا اللي لها اختـرت=سيدٍوقلـبٍ ضمهـا ماهجـرتـه
تطيعني طوع العسايف ليا امـرت=وحبل الرسن لاطاوعت ماعسرتـه
وانا لها لو تطلب الـروح مابـرت=لعيونهـا لوكـل شـئٍ خسـرتـه
من بعدها عن لايح البـرق خيـرت=ونهيت قلبي عن سواهـا وزجرتـه
وانا لها لو تطلب الـروح مابـرت=لعيونهـا لوكـل شـئٍ خسـرتـه
الشاعر/محمد عائش الرشيدي
صح لسانك اخي على هالجزله لاهنت
وهذا قدر الستطاعي بتنسيق شكر لك