هينـه يالجـروح الموجعـات الثقـال
باكر ضمادها كسـر القلـوب المغلـه
كل هجـر ٍيطـول ابلحقـه بالوصـال
وكل دمع ٍ يذل النفـس عيـب اهلـه
عزتى دونهـا تاقـف قـروم العيـال
والله انى لعـز النفـس والعـز بالله
لو يشـح الغـلا منـك فراقـك زلال
حى فرقـاك دام ان المواصـل مذلـه
ولو يجور الزمن ماقلت يابن الحـلال
ولاسألته من احسانه وانا الجود كلـه
ولو يجينى من الغالى كثيـر الخمـال
شمت عن زلته ماجيـت زلـه بزلـه
وش يضر السماء لاعانقتـه الجبـال
وش يضر الضماء لاصادق الوسم عله
ايه نتعب لكرمـان اللحـا والرجـال
ونشرى الطيب بالغالى وحنا هـل لـه
ماحد واصـل ٍبالطيـب حـد الكمـال
لكن العـز بقلـوب الرجاجيـل ملـه
صح الله لسانك كفو والله