اخواني زوار المنتدى السلام عليكم ورحمة الله وبركاته
مبارك عليكم الشهر الفضيل وانشالله نكون من صيامه ومن قيامه
ومن عتقائه من النار يارب العالمين ..........................
وبهذه المناسبة اقدم لكم هذه القصيده اتمنى ان تحوز على رضاكم
يالله يالمعبود ياقاضي النوب = يافارج الشده كريم الوهايب
ياللي كشفت الضر عن عبدك ايوب=وبامرك وتقديرك تهب الهبايب
ياعاقل يوسف على ابوه يعقوب = ويونس دعاه وفك عنه المصايب
يافارج الضيقات عن كل مكروب =وانجى خليله من سموم اللهايب
ابطلبك يالله ياخير مطلوب=ياغافر الزلات عن كل تايب
هل رمضان وطالب العفو والتوب =ومن يلتجي بالله ماهوب خايب
عبدن ضعيفن يشتكي هم وذنوب =ذنبه كثير وكثر حب الترايب
وعسى صيامي يالولي دوم مرغوب = وبالاخره نجزى بحسن الثوايب
وتلطف بنا في يوم حاصل ومكتوب = يوم الحساب ويوم كشف الكرايب
والخاتمه صلوا على خير محبوب = على النبي اعداد وبل السحايب
تقبلوا تحيات اخوووووووووووكم مبارك بن خليفه الخميلي