[رشيديه هاديه^,^]

فمن خلال قرأتي لموضوعك وكلماته ايقنت أننا يا معشر النساء ... أنانيات !!!

أنانيات ؟

الرجل مو أناني ^^ ؟

يب تحصن الزوج .. و الزوج و الزوج .. تحب التملك ..وهو لا ؟

كل شي الزوج وهي لا ؟

مادري نسينا قصة المشاعر و الأحاسيس و أن المرأه انسانه ؟؟؟

إنسانه تحس و تتأثر و لما تعطي و تحب و تبذل و تجيب و تسوي بالمقابل تبي تقدير ؟

ولا بس كل شي للرجل و نستغل مقولة إن الشرع حلل أربع ؟

يب حلل أربع و هالشي ما عليه كلام .. بس مو أنت اللي بتقضي على العنوسه ولا تصير

البطل المغوار اللي يحل مشكلة المطلقات و الأرامل .. خلونا صريحين لما الواحد يبي يتزوج

شنو يسوي أكثر شي لما يفكر يحط وحده على راس أم عياله ؟

أقل شي يختار فيها الصفات اللي مو موجوده بزوجته حتى لو هو شايب قاضي ياخذها أصغر

و أجمل وبعد بنت ولا سبق لها الزواج على شان يجدد شبابه و يحس أنه هارون الرشيد d:

لا نضحك على عمرنا و نقول تعدد الزوجات شي نبيل من قبل الرجل ..

أغلب اللي يتزوجون على زوجاتهم رجال ما يملا عينهم الا التراب و شهوانيين و نسونجيه لا أكثر

ما يهمه ينتنازل و يتغاضي على شان زوجه بكم شغله .. لا يدور الكمال كأنه هو كامل

و إذا ما حصل الكمال راح لقى عذر على شان يتزوج عليها ..

يضرب بعرض الحائط كل العشره و العمر و كل شي يحرق قلبها حرق كله لأن يستغل

الحق اللي الاسلام اعطاه اياه .. ونسى الرحمه و " إن رفقا بالقوارير "

بينما بنت الحلال صابره عليه وعلى ظيمه و ظلايمه =(

أنا أكيد مع الرجل اللي يتزوج على زوجته بس لأسباب مقنعه .. مريضه ما تقدر تقوم

بواجباته .. أو ما تقدر تنجب ... أو فيها عيوب ما ينصبر عليها فيخاف يطلقها مالها

والي ..ألخ و غيرها من الأسباب اللي تحس جد هالرجال من حقه يتزوج و كله رجوله

و شهامه ..

مو نسونجي و مزواج ولا يهتم لزوجته و هو أناني اللي ما يفكر إلا بنفسه و متعته الخاصه !

وحده و ثنتين و ثلاث و أربع و اذا يبي خمس عادي يطلق و يفي مكان و يحط ..ألخ

عادي بنات الناس لعبه ^^

أعرف شايب يسوي هالحركه كثيررررر و كل ما حب يتزوج صغيره منو يضحي فيه ؟

أقدم وحده العجوز ام الــ 70 شبي فيها ؟ ما منها فايده =(

ناخذها لحم و نقطها عظم و عادي بنت الــ 18 اهلها راضين d:

بالله شلون تأمنون على بنتكم مع رجال هالشكل ؟

خلوها عانس والله أشرف لها و أطهر و ربي يجزيها على صبرها بالأخره بإذن الله ولا

إذا لها نصيب بتاخذه سواء عاجل ولا آجل ..

والسلام عليكم ورحمة الله وبركاته ...