اسود صباحة مثل ممساه
ليـل المحبيـن ياطـولـه =اسود صباحه مثل ممسـاه
عيـون تسهـر ومشغولـه =كلن يغنـي علـى ليـلاه
فيه حب ماتدري منهو لـه= وفيه حب تعطيه من يبغـاه
وفيه حب تنسـاه بسهولـه=وفيه حـب والله ماتنسـاه
ياللي تشوفونه قولـوا لـه=البعـد هـذا انـا مااقـواه
روحي من البعـد معلولـه=والاخ لاهي علـى دنيـاه
والله لـو بأيـدي اطولـه=كان اخذ الزين من يمنـاه
واقول يازين وشهـو لـه=اللي يحبـك تبـي فرقـاه
اخترته من بين اللي حوله=زعلت كل البشر لرضـاه
لو هي على الصدفه محلوله=قلبي انـا المشكلـه يبغـاه
مختارة
آخر تعديل بواسطة الاجهر ، 16-04-2010 الساعة 07:19 PM.
|