مدري وش حدني لين مريت ....
مــدري وش اللي حدني لين مريت
ذاك المـكـان الــي يـجـدد جـروحـي
كنـت اتجنـب دايــم امــر ذا البـيـت
والـيـوم مريـتـه وسجـلـت بـوحـي
يـا بيـت خبـر ساكنـك كيـف عانـيـت
ثـم خبـره عنـي بـصـدق ووضـوحـي
قلـه ترانـي مــا نسـيـت وتناسـيـت
وقلـه مكانـه فـي عيـونـي وروحــي
وقلـه مـع غيـره تـرى مـا تهقـويـت
وعلـى العهـد باقـي لطـاريـه انـوحـي
ولـدلال غيـره مـا عشقـت وتقهـويـت
تحـرم علـي لوهـي تـصـب وتفـوحـي
ولغيـر حبـه مـا ذكــرت وتعـزويـت
اذكـر سنينـه يـوم هـو لـي نصوحـي
ويـا طيـر يااللـي فالخضيـراء تعلـيـت
خـذ منـي إرسالـه قبـل مـا تـروحـي
انت الرسـول اللـي علـى السـر وصيـت
احفـظ وصاتـي جـد مـا هـي مزوحـي
وإذا وصـلـه العـلـم كفـيـت وفـيـت
ترفـع لـك البيـض بـروس السفـوحـي
وان كان مـن خلـي بالأخبـار مـا جيـت
يلحقـك منـي لــوم ان كــان تـوحـي
وش فايـدة يـا ليـت يـا ليـت يالـيـت
ما من كلـــــمة ليت غير الجروحي
الـشـاعـر /مــهــدي الـحـبـابـي
آخر تعديل بواسطة abu eessa ، 15-04-2010 الساعة 01:37 PM.
|