هذي هديه لعمي ووالدي محمد بن عبدالله
الشيخة اللي جات من كثره المال=ماهي ترى شيخه ولاهي عظيمة
والشيخة اللي ساسها القيل والقال=هذي تراها ياجماعه جريمة
راع الردى اصبح من رجال الاعمال=وراع الوفا ماعاد له اي قيمة
هذي الصراحه مابها ايه جدال=الطيب والمعروف سلعه قديمة
صار التميز بالمظاهر والاشكال=رمز التقدم والعواقب وخيمة
احدن نسى ربه ولايزكي اموال=واحدن يعق ابوه وامه ظليمة
هذا الصحيح وكلمه الحق تنقال=ماعاد به نخوه ولابه حشيمة
إن كانها شيخه وللطيب تمثال=هذا الكريم اللي يدينه كريمة
هو محزمي لاصك جالا مع جال=هو ملحقا باعداي اشنع هزيمة
هو تاجي اللي فوق راسي ولازال=عالي شموخه دام روحي سليمة
هو رأفن في حالهم خمسه اطفال=هو ماسحن بيديه دمع اليتيمة
لك الغلا والود ياطيب الفال=مني ومنهم والعلاقه مقيمة
فان كانها شيخة وللطيب تمثال=فانت الكريم اللي يدينه كريمة