اقتباس من مشاركة بندر الذيابي
عندما تتحدث لغة السحر تصمت لغة الحقيقه عندها فقط تحس بطعم الخيال يتلاعب بمشاعرك لكي يفقدك جميع ماتملك من عواطف واحاسيس.
اترككم مع هذه الرائعه
[POEM="font="Simplified Arabic,4,white,normal,normal" bkcolor="transparent" bkimage="./images/backgrounds/21.gif" border="double,4,gray" type=1 line=0 align=center use=ex num="0,black""]وصل ركب الرحيل لشاطي الغربه ودار اجناب=بعد طول الطريق اللي تمادى واتعب اركابي.
ضحك وجه المدينه للمسافر والوجيه اغراب=وانا عابر سبيل وضحكتي مابينت نابي.
وقفت انظر على شط المدينه والجروح اسراب=ولعنت ام الحنين وسالت الدمعه على هدابي.
هنا كنت الغريب بلا حبيب ولا وطن واقراب=حزين وماقدرت اجمع شتاتي واحسب حسابي.
حداني للسهر جرح(ن)سجني بين ناب وناب=وتركني بين صمت الذكريات بصفحه كتابي.
حبيبي والغلا جرح(ن)ذكرته وانفتح له باب=وانا لوماذكرتك وانت ناسي ويش يبقابي.
صحى هم الفراق اللي فتح للذكريات ابواب=وغفيت وماصحيت الا وطيفك يطرق ابوابي.
حبيبي ترسم الغيمه ملامح وجهك الجذاب=واشوفك وين مالد النظر مع كل هندابي.
ذكرت اول لقاء فيه اجتمعنا بالغرام احباب=الين اخر لقا منه افترقنا واخر اتعابي.
فداك الجرح ياوجه(ن)تركني للملام وغاب=بقاله في حياتي طعنتين وجرح ماطابي
انا اللي كنت اضيع بنظرتك شوق ووله واعجاب=واظيق بغيبتك وتظيق بي دنياي وثيابي.
عطيتك قلب واشواق وحنين وفيك ظني خاب=احسب انك تمنى رجعتي واثرك تسلى بي.
تبعتك مثل ضحضاح السراب وجيت لك مرتاب=واشوفك مثل الامس المستحيل وباكر الغابي.
حبيبي وانت ماتسوى ملام ولاانت قد عتاب=تعداك الملامه والعتاب ££<<وشرهه ذيابي>>.££
خطاي اني تماديت بغلاك وماحسبت حساب=احسب ان الوفاءطبع البشر واحبابي احبابي.
وعزاي اني ردعت القلب عن باقي غلاك وتاب=وصحى في داخلي طفل(ن)غرير وشايب اعرابي.
حبيبي للصبر بال(ن)طويل وللجروح اسباب=وانا مارحت ادور للجروح اعذار واسبابي.
حبيبي يوم شفت ان الزمان برجعتك كذاب=تركتك للتجافي والغرور بزحمه اصحابي.
رحلت وقلت اسافر عنك واجزيك الغياب غياب=واببعد واستريح من السهر واريح اعصابي.
هجرت ارض الجروح ابغى عن تراب الجروح تراب=عساي انساك وانسى رجعتك والجرح وترابي.
يطيب الجرح والا ياعسى جرح الهوى ماطاب=تفضل هاك جرحك واستريح وجرحي اولابي.
طلع صبح الفراق بشاطي الغربه ودار اجناب=ولعنت ام الحنين وسالت الدمعه على اهدابي.[/POEM]
للشاعر المبدع: عادل الذيابي
اتمني ان تنال علي استحسانكم
اخوكم
بندر الذيابي
|
قصيده زعيم شعر
احسنت الاختيار وانا كتفي برد قديم على ابو علي
[POEM="font="Simplified Arabic,5,purple,bold,italic" bkcolor="transparent" bkimage="./images/backgrounds/18.gif" border="double,4,gray" type=2 line=1 align=center use=ex num="0,black""]البارحـة كنـي ببغـداد مـطـروح=كنـي ببغـداد الاسيـر انتـحـاري
سهرت اخيل امزون وبروق(ن)تلـوح=برق(ن)شمال وبرق(ن)اخـر يسـاري
وانااحسبنه برق لي منـه مصلـوح=اثـره سهرعينـي وهمـي ونــاري
قعدت افكـر ويـن فـي ليلـي اروح=وجوي تبـدل مـن لطيـف لغبـاري
وناديت همـي قلـت تعـال مسمـوح=خلاص انا معك يالهم بايـع وشـاري
الحزن نـاري والعنـا فوقـه يفـوح=وانا جلسـت بجنـب نـاره اجبـاري
كني منـه بيديـن دكتـور مشـروح=ومغيب(ن)بالبنـج مـانـي بــداري
من حر شكوى اللي من الوقت مجروح=عادل عساله عن عنـى الوقـت ذاري
عل السعد له وين مايسج ويروح=وحظـه ترفـرف رايتـه بنتصـاري
خل الردي لوهو بنا ديـار وصـروح=ولوهو ملـك بالبنـك اسم(ن)تجـاري
ماتنفعـه دنيـاه لاراحـت الــروح=دامه بهالدنيـا مـن الطيـب عـاري
يسـواه راع الطيـب امبعـد الشـوح=لوهو ملـك فـي كـل دنيـاه قـاري
والصبر مفتاح الفرج ويـن متـروح=وماقـدر المعبـود حاصـل وجـاري
واللي كتب حاصل ومكتـوب بلـوح=والله لـونـك يـاابـن ادم تــداري [/POEM]