[جميل مساعد]

اليكم الجديد عسى أن يحوز على رضاكم ... بدون مقدمات [poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

قصايد على المسحوب جزلات وسماني = قصايد غرام وشوق وأحلام ورديه
واذ جيت ابوصف من ذهب زين الأثماني = جمالٍ طبيعي والشقا عين بحريه
عيونٍ تهز الشوق تآمر وتنهاني = مثل مايهز الغصن بالدوح قمريه
وقل الربيع اللي له سنين ماجاني = يمر الديار اللي شمال السعوديه
يسلم على ريمية القلب من شاني = رشيدي وقلبه عاشقٍ له رشيديه
ولا يالعذول اللي على البعد تحداني = معاليق قلبي في هوى حب نجديه
يطير الحمام اللي تعلى عن أغصاني = يوصل رسايلنا على العز منقيه
يجوب الديار وخاطري منه مايعاني = وأنا بنتظاره يالله ترجعه ليه
أحبه وحبه واصلٍ حد الأدماني = بقلبي وأقول أن الغلا زايد شويه
هواجيس فكري والهواجيس تنعاني = على اللي مكانه في شمال السعوديه

[/poem]

شعر : جميل مساعد الرشيدي

الموضوع الأصلي: رشيدي ... جديدي اليكم | | الكاتب: جميل مساعد | | المصدر: شبكة بني عبس