[مبارك نافع]

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مريت حايل وأثر حايل غير عن كل الديار=يجذب هواها خمرة الطرقي ولون جبالها
الديرة اللي صمتها يقدح على العليا شرار=وليا حكت مايجهل التاريخ فعل أبطالها
أحبها حباً يعانقني سما وأرض ومدار=وأحبها وأحب رمضاها وفيّ ظلالها
داراً بها تسكن مهاة العمر ريعان الثمار=فديت مبسمها ورونقها ولفحة شالها
خليت شرياني وقلبي لجلها يبقى مزار=هي وحدها ماغيرها بقفايها وأقبالها
لفحة هواها لاطرقني زادني عمر ودمار=ياليتني لحظة فرح وأبقى ملازم بالها
اعطيتها عن واقع الدنيا معي صفحة قرار=وطوت حروفي كلها ماميزت وش حالها
حطيت حايل دارها لونها ماهي بدار=مهاة عمري لجل أخفيها وأريح بالها
[/poem]

الموضوع الأصلي: مريت حايل وأثر حايل غير عن كل الديار | | الكاتب: مبارك نافع | | المصدر: شبكة بني عبس