السلام
عليكم ورحمة الله وبركاته
أخواني وأخواتي
الأحباء
أهنئكم بقدوم شهر رمضان شهر الرحمة والغفران
اعاده الله علينا وعليكم وعلى إخواننا المسلمين بكل مكان
باليمن والبركات والصحه والسلامه
وجعلنا الله وإياكم نستقبله كل عام بصحه وعافيه
وتقبلوا مني هذه المتواضعه
أتمنى إن تنال إعجابكم وأذواقكم الراقيه
وكل عام وأنتم بخير
بديت بسم الحي والغير فاني=ربي وأنا عبده ماغير الرجابه
اللي على سنة نبيَه هداني=كل(ن) سجد لرضاه خوف ومهابه
من بعد ذكره زان نظم المعاني=واحد سوأل أثنين حل الإجابه
يأهل القلوب اللي غمرها الحناني=حيوا معي بالضيف يامرحبابه
أهلا وسهلا في قدوم رمضاني=أفضل شهر نزّل به الله كتابه
حيوا بشهر المغفره والحساني=من يحسن صيامه على الله ثوابه
اهنَي الأحباب قاصي وداني=ما أخص احد كل الخليج وجنابه
وازف باقات الفرح والتهاني=للمسلمين بكل بقعة ترابه
عسى يعود بخير ربي وآماني=في جاه رب الكون علام مابه
امنزّل التوبه وسبع المثاني=سامع دبيب النمل ماصك بابه
وصلوا على الهادي رفيع المكاني=شفيعنا في يوم نخشى عذابه
وسلامتكم
اخوكم
(( عايض))