عرض مشاركة مفردة
  رقم المشاركة : [ 1  ]
قديم 27-03-2010, 11:50 AM
يوسف الصامل
عضو فعال
الصورة الشخصية لـ يوسف الصامل
رقم العضوية : 5989
تاريخ التسجيل : 15 / 12 / 2008
عدد المشاركات : 185
قوة السمعة : 17

يوسف الصامل بدأ يبرز
غير متواجد
 
الافتراضي هذه المحاورة بين الشاعر الكبير حبيب العازمي
معتق العياضي ::
يامرحبا ترحيب وافي من عزيزيـن الجنـاب // أقولهـا وأعيدهـا باسـم المدينـة كلهـا
امنولٍ ناويك ياحبيب بسوطٍ مـن عـذاب // وشلون مرت قدم عينك وأنت ماتفطنلهـا

حبيب العازمي ::
دام البقاء لك والمدينة مالنا فيهـا اغتـراب // هذي مدينـة سيـد الأمـه محـد يحتلهـا
بدري عليك اللي تقوله وانتبه يابو الشبـاب // أنا عطيت الأولـه ماقلـت معتـق خلهـا

معتق العياضي ::
أنته تقوله مير حنا اللي بها عصـر الركـاب // تـرى العتيبـي مـن قبـل والله ماينزلهـا
ياصاحبي وشلون جمعت النمورة والذيـاب // وتقول من عنده سيـوف يالعيـال يسلهـا

حبيب العازمي ::
أقرب إلي من الثرى وأبعد عليك من السحاب // كم ديـرة وصلتهـا والنـاس ماتاصلهـا
ترى القوافل ماشيه ماهمها نبـح الكـلاب // مالك ومال أهل الفتن أنته صلاتـك صلهـا

معتق العياضي ::
حنا نزلنا وسط طيبة يوم خلـق الله تهـاب // والترك حنا اللي طردها مير ربعـك قلهـا
أنته تقوله ياحبيب ميـر فـات الاكتتـاب // ترى القوافل لو توقـف بالطريـق أحسلهـا

حبيب العازمي ::
ماتعلم إن جدي أنا بالسيف مصقول النصاب // الترك في هضبـة وعيـرة دونكـم قابلهـا
خلاص قفل بنك الانماء مابقى الا بنك ساب // واللي فلوسه دوبها المصـروف وش يعملهـا

معتق العياضي ::

قابلهم جدك لكنه مـدرق سـد الهضـاب // يومين ثم روح وكبـده باقيـه فـي غلهـا
خلاص مانبغاه جعله للتشتـت والذهـاب // الأولـه راحـت وباقيـة الدفاتـر فلهـا





توقيع يوسف الصامل

[مـــــــائة مليــــــــار حسنــــــــــــة بل اكثر والله يضاعف لمن يشاء.

نعم : قل ( استغفر الله العظيم التواب الرحيم لي ولوالدي وللمسلمين والمسلمات
وللمؤمنين وللمؤمنات الاحياء منهم والاموات الى يوم الدين )قال الرسول صلى الله عليه وسلم في حديثه الشريف :
{ من استغفر للمؤمنين وللمؤمنات كتب له بكل مؤمن ومؤمنه حسنه }
رواه الطبراني عن عبادة رضي الله عنه